"O’ Grieco e Tufo"

N'coppa a terra ce stà si o’ vino

ianco, russo e ….rosatino

            ma comma a stò grieco paglierino, lucente

            se po’ girà ‘u munno, sulo qua è presente

o gusto sicco, aspro e armoniuso

fa a delizia do difettoso

            se beve dé feste, a Pasqua e a Natale

            lubrifica ‘o stommaco, allevia lo male

fai l’aperitivo, accompagni l’antipasto

cchiù tene bivi, cchiù te sienti nò masto

            ma n'coppa a trota è specialità

            e ò pesce dindo ce sape natà

ti sienti leggiero, si stu vino assaggi

e puro ‘a sera, do sole vidi i raggi

            te leva ‘a tristezza, l’allegria ti piglia

            non pienzi ‘a fatica, ti scuordi ‘a famiglia

passano l’anni, non cagna ‘o sapore

aumenta sia ‘o prezzo che ‘o visitatore

            s’è spasa nà voce proprio stò mese

che a chisto grieco se vò cagnà o paese

ma faciti attenzione, che stà razzia è Dio

stà sulo qua,  a’ ‘o paese natìo

            tutto se cagna ma no chisto vino

            che accompagna l’ostia è don Pillirino

s’ò gusta ‘a femmina, l’assaggia ‘o criaturo

fa bene a’ ‘o vaglione e  a’ signorina puro,

            mentre a’ ‘o nonno che và a piglià ‘a pensione

doppo che s’à bevuto, po’ ghiettà ‘o bastone

s’ò beve l’ingegnere, ‘o dottore e l’architetto

puro si po’ è difficile che chisti trovano ‘o lietto

            si ‘o visitatore è capito ‘o messaggio

s’adda gustà, adagio…adagio

e quanno s’accorge che l’effetto è finito

se ne po’ beve sulo nato dito

            “Bevere accussì è stato nò piacere

            puro si l’ora è tarda e ancora non so stufo

-dice ‘o visitatore – compà digni ‘o bicchiere

facimmece nato brindisi, che chesto è Grieco’e Tufo"

 Oreste Centrella